Nobeta ku Emîna Şenyaşar a di encama êrîşa parazvan û xizmên parlementerê AKP’ê Îbrahîm Halîl Yildiz de hevjînê xwe û du kurên xwe winda kirin, bi kurê xwe Ferît Şenyaşar re bi daxwaza ‘Edaletê” li pêş Edliyeya Rihayê da destpêkirin, di roja 38’emîn de didome. Malbata Şenyaşar a di saetên serê sibê de hat pêşiya edliyeyê li gel germbûna hewayî jî, li pêş bariyeran rûniştin û dest bi nobeta xwe kirin.
Malbata Şenyaşar, kaxiz û dovîzên ku ‘Edalet’ li ser nivîsandin li erdî danîn, ji welatî û parêzerên tên edliyeyê re komkujiya pêk hatî vedibêjin. Malbata Şenyaşar, li ser hesabên xwe yên medyaya dijital ev peyam parve kir: “Em li pêş Qesra EDALET’ê ya Rihayê 38 roj in têkoşîna EDALETÊ didin. Serdozger û dozger hê jî kujeran diparêzin. Rojek dê were dozger jî wê li pêş darazê hesabê bidin…” RIHA
