Aşmêk verê cû meclîsê Fransa de qanûnê bi domananê emrê înan 15 serrî yo reyde têkilîya cinsî, ensest ameybî parlemento. Qanûn ame qedexekerdene, meclîsê Fransa de zî ame tesdîqkerdene
Goreyê no qanûnî eke domanê binê 15 serrî reyde têkilîya cinsî rizayê wirdî hetan bibo zî bêro kerdene do sey sucê ensest û tecawizî bêro hesibnayene û heta 20 serran do ceza bêro dayene.
Heto bîn de goreyê no qanûno ke ame tesdîqkerdene, eke kesê ke domananê binê 15 serrî reyde odeyanê dijîtal yan zî hesabanê dijîtalan de sohbetanê cinsî bikerî do sucê pedofîlîyî ra heta 10 serra bi cezaya zîndanî bêrî muhakemekerdene, yan zî do 150 dolar pere bêro birnayene.
No qanûn Fransa de sey ‘gamêko tarîxî’ ame dîyayene. Verê qanûnî Fransa de wexto ke kesê ke emrê înan binê 18 serrî de bî kewtêne hedîseyanê cinsî, goreyê nizdîbîyayîşê wirdî hetan sey sucê tacîz û tecawizî ameyêne hesibnayene. Bi vatişêko bîn ganî hedîseyanê winasîyan de delîlê zextkerdişî û tehdîtî bibîyayêne. No qanûnî reyde şertê delîlan raşte ra ameyî wedarnayene. Çime: Rojnameyê Xwebûnî
