Aktivîsta bi navê Loujain Alhathloul a ji Erebistana Siudî di çerçoveya parastina mafên jinan de xelata Mafên Mirovan a Vaclav Havelê girt. Xelat ji aliyê Meclisa Parlamenteran a Konseya Ewropayê (PACE) ve hat dayîn.
Li gorî qanûnên Erebistana Sîûdî jin nikarin bibin ajokar û ev yek qedexe ye. Alhathloul li hember vê qedexeyê derdikeve û erebê bi kar tîne. Her wiha Alhathloul li hember qanûna siûdî ya ji her awayî ve mafê jinên têxe bin biryara mêran de, li ber xwe dide.
Aktivîsta Siûdî Loujain Alhathloul ji bo ku parastina mafan dike ji aliyê hikûmeta siûdî ve 3 sal ceza lê tê birîn û di girtîgehê de rastî îşkenceyê giran jî tê. Alhathloul herî dawiyê di meha Kanûna 2020’î de hat darizandin û 5 sal û 8 meh ceza lê hat birîn.
Xelata Mafê Mirovan a Vaclav Havelê ji sala 2013’an ve her sal ji bo kesên ku mafên mirovan diparêzin, tê dayîn. Çavkanî: Rojnameya Xwebûnê
