Navenda Nûçeyan |
Şaxên Komeleya Hiqûqzanên Ji Bo Azadiyê (OHD) ên Amed, Wan, Stenbol, Mêrsîn, Enqere û li gelek bajarên din têkildarî greva birçîbûnê ya girtiyan a bi daxwaza azadiya Rêberê Gelê Kurd Abdullah Ocalan dane destpêkirin, daxuyanî dan çapemeniyê. Şaxên ÎHD’ê bi beşdariya endamên xwe û nûnerên rêxistinên civakî yên sivîl li avahiyên xwe civînên çapemeniyê li dar xistin û daxuyanî dan.
Di daxuyaniyên şaxên OHD’ê de hat xwestin ku binpêkirinên mafan ên li girtîgehan bi dawî bibe û daxwaza girtiyên li dijî tecrîdkirina Ocalan di greva birçîbûnê de were qebûlkirin.
Şaxên OHD’ê destnîşan kirin ku bi şewba vîrûsa koronayê re li girtîgehan girtî nayên dermankirin, binpêkirinên mafan zêde bûne û girtî nikarin xwe bigihînin xizmeta tenduristiyê bang li Wezareta Dadê hat kirin û xwestin ku daxwazên girtiyan li tavilê bi cih werin.
Şaxên OHD’ê gotin ku heke tiştek neyînî li girtîgehan biqewime îktîdar berpirsiyar be û diyar kirin ku rayedar neçar in ku hiqûq û yasayên ji bo girtîgehan bisepînin û girtî ji van yasayan sûd werbigirin.
Her wiha di daxuyaniyê de hat xwestin ku rayedar li tavilê ji bo qebûlkirina daxwaziyên girtiyan gavan biavêjin.
