Çalakiya nobetê ya Emîne Şenyaşar ku hevserê wê û du kurê wê bi êrîşa wekîlê AKP’yî Îbrahîm Halîl Yildiz û xizmên wî hatin qetilkirin û ya kurê wê Ferît Şenyşar ev 45 roj in li ber avahiya edliyê ya Rihayê didome.
Malbata Şenyaşar sibehê hê zû li hundirê avahiya edliyê rûnişt û çalakiya nobetê da destpêkirin. Malbatê li ser hesabê medyaya dijîtal daxuyanî da, ji bo redkirina îtîraza duyemîn a ji bo rakirina biryara ‘veşartinê’ ya li ser lêpirsîna têkilî êrîşa duyemîn a li Nexweşxaneya Dewletê ya Pirsûsê, helwest nîşan da.
Malbata Şenyaşar dîmenên lorîkên Emîne Şenyaşar a piştî biryara bi nîşeya, ‘Beriya bi sê salan li Nexweşxaneya Pirsûsê sê mirovên me hatin qetilkirin. Me xwest ku li ser dosyayê biryara veşartinê were rakirin. Hiqûqa serdestan hate danîn û daxwaza me nehate qebûlkirin. Niha dora Dadgeha Destûra Bingehîn e. Heta ku DAD bi cih were em ê li ber xwe bidin. Em ê ji vir neçin.” RIHA
