Navenda Nûçeyan |
Bi boneya salvegera êrîşa dewleta tirk a dagirker a 25’ê Nîsana 2017’an li ser çiyayê Qereçox a herêma Dêrikê, Rêveberiya Xweser a Bakur û Rojhilatê Sûriyeyê, daxuyaniyeke nivîskî weşand.
Di daxuyaniyê de, Rêveberiya Xweser got ku ji bo bîranîna şehîdên Bakur û Rojhilatê Sûriyeyê, 25`ê Nîsanê ‘Roja Şehîdan a Bakur û Rojhilatê Sûriyeyê’ îlan kir.
Daxuyaniya Rêveberiya Xweser wiha ye:
“Bakur û Rojhilatê Sûriye-Rojava bi şoreşa xwe tê naskirin ku rêgezên xwe parastin û ji bo avakirina Sûriyeyeke demokratîk a pirrengî û nenavendî û ji bo parastina aştiya navxweyî, jiyana hevbeş û biratiya gelan rêgezên xwe parastin. Di vê şoreşê de keç û xortên pêkhateyên cuda yên herêmên Rêveberiya Xweser fedekariyên bêhempa pêşkêş kirin.
Ev fedakariyên ku şehadet asta wê ya herî bilind e, ji rêgezên bingehîn ên xebatan in ku li Bakur û Rojhilatê Sûriyeyê têne meşandin. Em wê wek rêyekê di hemû şert û mercan, deman de dipejrînin da ku armancan pêk bînin ku ciwanên me ji bo wê canê xwe feda kirin. Tenê bi şopandina rêya wan şehîdan em dikarin bi ser kevin û hêviyên gelê xwe pêk bînin.
Ji bo hemû şehîdên ku li hemû herêmên Bakur û Rojhilatê Sûriyeyê canê xwe feda kirin û şehîdên êrîşa dewleta tirk a dagirker a li ser Qereçoxê di 25`ê Nîsana 2017`an de bi bîr tînin ku bû destpêka mudaxeleya dewleta tirk a yekser di herêmê de ji bo berfirehkirina dagirkeriyê. Wê demê gelê me fedakariyên bêhempa nîşan dan heta ku DAIŞ`ê tune kirin, êdî serkeftina ku li Baxozê di 23`yê Adara 2019`an de bi dest xistiye, pîroz kir.
Ji bo bîranîna şehîdên me yên leheng û li ser bingeha şopandina rêya wan, em Rêveberiya Xweser a Bakur û Rojhilatê Sûriyeyê roja 25`ê Nîsanê ‘Roja Şehîdan a Bakur û Rojhilatê Sûriyeyê’ îlan dikin. Em ê her tim şopdarên wan bin û wê vîna xwe ji mîrasa wan a leheng bigirin. Wê bi vê hêz û vînê herêmên xwe yên dagirkirî rizgar bikin û hêviyên gelê xwe yên azadiyê û demokrasiyê pêk bînin.”
