Artêşa dewleta tirk a dagirker, şevê din li dijî herêmên Metîna û Avaşîn ên Qadên Parastinê yên Medyayê êrîşên bejahî û hewayî dan destpêkirin. Artêşa dagirker îro ji saetên serê sibehê ve jî, êrîşî herêma Zapê kir.
Li her sê herêman li dijî êrîşên dagirkeran berxwedana gerîlayên Kurdistanê didome û derbeyên giran li dagirkeran didin.
Têkildarî êrîşên dagirkeriyê Endamê Polîtboruya Hizba Zehmetkêşana Kurdistanê Hîwa Seyid Selîm axivî û ev tişt anî ziman: “Ev herêmên niha çend carên din jî bûn armanca artêşa tirk. Ev herêmên niha her çiqas di warê stratejîk de dijwar bin jî lê armanca Tirkiyeyê ji dagirkirina van herêman ji hev qutkirina Başûr û Bakur e. Armancek din jî veşartina krîza li Tirkiyeyê ye.”
Her wiha Selîm diyar kir ku ew êrîş bi taybetî roja ku serokê Amerîkayê John Biden dê Komkujiya Ermeniyan nas bike pêk hat. SILÊMANÎ
