Li dijî êrîşên dagirkeriyê yên li ser Herêmên Parastinê yên Medyayê, berxwedana gerîla dewam dike û gerîlayên azadiya Kurdistanê derbên giran li artêşa dewleta tirk a dagirker dixin. Gerîlayên ku ji qadên cuda berê xwe dan eniya berxwedanê, têkildarî berxwedan û çalakiyên gerîlayan axivîn.
Gerîla Rustem Mardîn diyar kir ku ew diçe herêma Ertûşê û wiha got: “Me dest bi Pêngava Şoreşgerî ya Bazê Zagrosê kir. Em diçin tev li vê pêngavê bibin.”
Gerîla Atakan Botan jî da zanîn ku ew diçin çalakiyê û ev tişt anî ziman: “Dijmin li Zapê dest bi operasyonê kir. Çûne ber bi aliyê Şehîd Mûnzûr. Em ê derbên giran li wan bixin. Em ê wan ji wir derxînin. Ji bo ku careke din nekin em ê vê derê li yên hatine dagir bikin, bikin goristan. Hewl didin bi teknîkê li hemberî gerîlayên Kurdistanê bi pêş ve biçin. Em ê jî wan bi teknîka gerîla tune bikin.”
Gerîla Tîrêj Cizîr jî destnîşan kir ku ew ber bi herêma Zagrosê ve diçe û wiha got: “Şerekî giran diqewime. Dewleta tirk a dagirker nikare li hemberî gerîlayên azadiya Kurdistanê li ber xwe bidin. Êrîşeke berfireh dikin, em ê jî bi gerîlayên profesyonel û hemdem li ber wan rabin. Em şerekî giran û fedayiyane dimeşînin. Ji ber vê yekê divê gelê me baldar be.” BEHDÎNAN
