Çalakiya nobeta ‘Edaletê’ ya dayika Emîne Şenyaşar a hevjînê wê û du kurên wê ji aliyê parazvan û xizmên parlamenterên AKP’ê yê Rihayê Îbrahîm Halîl Yildiz ve hatibûn qetilkirin, didome. Emîne Şenyaşar û kurê wê Ferît Şenyaşar ji ber qedexeya derketina kolanan çalakiya xwe roja 55’emîn li mala xwe ya li navçeya Pirsûsê dewam kirin.
Malbatê, li ser hesabê xwe yê medyaya dijital wêneyê dema êrîşê yên li dijî ambulansê parve kir û wiha got: “Ambulansa nexweşxaneyê anîn vî halî. Êdî kes hundirê nexweşxaneyê nafikire. Bavê min bi pêyên xwe çû nexweşxaneyê. Wî lînç kirin û kuştin. Sê sal derbas bûn. Hîn jî yek girtî tuneye. Gelo Wezîrê DAD’ê çi karî dike?” RIHA
