Berdevkê Wezareta Karên Hundir a Afganistanê Seyîd El Şûhada ragihand ku roja şemiyê li paytex Kabûlê li taxa ku piraniya şêniyên wê Hazarayên Şîa ne, li dibistanekê bi wesayîta bombebarkirî êrîşek pêk hatiye.
Berdevk diyar kir ku piştî teqîna destpêkê, xwendekar bi panîkê reviyan û di vê kêliyê de du bombeyên din hatin teqandin.
Li gorî berdevk herî kêm 50 kes mirine û derdora 100 kes jî birîndar bûne. Hate ragihandin ku piraniya qurbaniyên êrîşê, xwendekar bûn.
Heta niha kesî berpirsyariya êrîşê li xwe negirtiye. Lê belê Serokkomar Eşref Ganî êrîş xist stuyê Talîbanê.
Talîbanê jî sûcdarî red kir û diyar kir ku tu eleqeya wan bi êrîşê re nîne. KABÛL
