Navenda Nûçeyan |
Konseya Rêveber a Kongreya Neteweyî ya Kurdistanê (KNK) bi daxuyaniyekê bal kişand ser êrîşên dagirkeriyê yên dewleta tirk ên li se başûrê Kurdistanê û destnîşan kir ku armanc ji van êrîşan ew e ku tevahiya başûrê Kurdistanê dagir bikin û destketiyên gelê kurd ji holê rakin.
KNK’ê destnîşan kir ku divê gelê kurd û kurdistanî li xak û destketiyên xwe xwedî derkeve û ev tişt got: “Kongreya Neteweyî ya Kurdistanê, ji bo pêkanîna yekdengî, yekrêzî û helwesteke neteweyî, ji bo helwesteke tundî ya neteweyî li dijî dagirkeriyê bê nîşandan, bi navê ‘Li dijî dagirkeriyê’ konferansekê pêk tîne. Bê ferq û cudahî em hemû partî, rêxistin û saziyên civakî dawetî konferansê dikin.”
Li gorî daxuyaniyê, bernameya konferansê ya ku dê bi rengekî online bê lidarxistin, wiha ye:
Dem: 15.05.2021
Saet: 10:00 (Li gorî dema Ewropayê)
Şêwe: Online Zoom
