Navenda Ragihandin û Çapemeniyê ya HPG’ê têkildarî êrîşên dagirkerî û çalakiyên gerîlayan daxuyaniyeke nivîskî weşand û ev agahî parve kir:
“Di çarçoveya Pêngava Şoreşgerî ya Cenga Xabûrê de hêzên me 12’ê gulanê saet di 16:30’î de li qada Derarê ya herêma Metînayê li dijî dagirkerên li ser Girê Şehîd Azad çalakiyeke sabotajê kirin. Di encama çalakiyê de 2 dagirker hatin cezakirin, dagirkerek jî birîndar bû.
Hêzên me yên Parastina Hewayî ya Şehîd Delal 11’ê gulanê saet di 13:15’an li herêma Metînayê dagirkerên li ser Girê Zendûrayê ji hewayê ve bombe kirin. Çalakiya bombeyî bi rengekî serketî pêk hat.
Artêşa tirk a dagirker bi helîkopter û balafirên şer êrîş bir ser Herêmên Parastinê yên Medyayê.
Agahiyên berfireh ên li ser van êrîş û bombardûmanê wiha ne:
11’ê gulanê saet di 11:30’î de li herêma Avaşînê balafirên şer 4 caran bombe li qada Werxelê barandin.
12’ê gulanê saet di navbera 00:00 û 01:30’î de dagirker bi helîkopteran li qada Mervanosê ya herêma Avaşînê hatin danîn.
12’ê gulanê saet di navbera 20:30 û 00:00 de qadên Tîpa T û Cîlo yê Biçûk ên li herêma Zapê bi helîkopterên êrîşê hatin bombekirin.
Ji ber van bombardûmanan tiştek bi hêzên me nehatiye.” BEHDÎNAN
