Leşker û polîsan di saetên serê sibê de li navenda Mêrdînê û li gundê Dengiza yê bi ser navçeya Stewrê ya Mêrdînê ve bi ser gelek malan de girtin. Leşker û polîsan di serdegirtinê de Hevşaredarê berê yê Stewrê, siyasetmedar û nivîskar Mehmet Aydin Alokmen (Feratê Dengizî), rêveberê HDP’ê yê Mêrdînê yê berê Bedî Yilmaz û rêvebera HDP’ê ya Mêrdînê Ayşe Bozan binçav kirin. Sedemê binçavkirina her sê siyasetmedarên ku birin Miduriyeta Polîsan a Mêrdînê nehat zanîn. Hat hînbûn ku dibe hejmara binçavkirinan zêde bibe.
Alokmen ê hat binçavkirin dema Hevşarêdarê Stewrê bû di 1’ê Adara 2017’an de qeyûm tayînî şûna wî hatibû kirin û hatibû girtin. Alokmen, salekê zêdetir girtî ma û pişt re hat berdan. Derbarê Alokmen de bi hinceta beyanên ‘şahidê nepen’ 10 sal 3 meh û 22 roj cezayê girtîgehê lê hatibû birîn. MÊRDÎN
