Şeva 19’ê gulanê, li dijî Baregeha Jet a 8’emîn a Fermandariya Hêzên Ezmanî ya Balafirgeha Leşkerî ya Amedê, ji aliyê Hêzên Parastina Hewayî ya Şehîd Delal Amed ve du çalakiyên serkeftî pêk hatibûn. Piştî Amedî, li Êlih û Şirnexê jî bi heman rengî çalakî pêk hatibûn. Dengvedana çalakiyên hewayî yên gerîlayan hê jî didome.
Rayedarên dewleta tirk piştî êrîşa hewayî ya gerîlayan, dest nîşankiribûn ku ‘di balafirgehê de tu texrîbat çênebûye,’ lê berevajî van daxuyaniyên rayedaran, hatibû diyarkirin ku di pîsta navendî ya Balafirgeha Amedê de çalek mezin vebûye.
Walîtiya Amedê, îro daxuyaniyek nivîskî da û got ku pîsta navendî ya Baregeha Jet a 8’emîn a Fermandariya Hêzên Esmanî/Balafirgeha Amedê ya ji ber firînên zêde yên sivîl û leşkerî xirab bûye, ji bo tamîrkirinê, dê di 24’ê gulanê de ji firînê re bê girtin. Walîtiyê da zanîn ku wê xebatên tamîrkirinê di nava 30 rojan de, bi dawî bibe. AMED
