Lêgerîna edaletê ya Malbata Şenyaşar ku 3 ferdên wê ji aliyê parlamenterê AKP’ê yê Rihayê Îbrahîm Halîl Yildiz ve hatibûn qetilkirin, di roja 76’emîn de didome. Ji ber qedexeya derketina derve Emîne Şenyaşar û kurê xwe Ferît Şenyaşar, çalakiya xwe li mala xwe ya li navçeya Pirsûsê didomînin.
Malbata Şenyaşar, li ser hesabên xwe yên medyaya dîjîtal ev peyam parverkirin kir: “Werin em li dijî zilmê bibin yek. Baroya Rihayê got; ‘Em ji raya giştî re radigihînin ku heta dawiyê em ê şopînerê doza ku weke Komkujiya Nexweşxaneya Dewletê ya Pirsûsê derbasî dîrokê bibe bin’.
Zehmet be jî em ê edaletê bînin.
Ji bo hemû kesên ku piştevaniya me dikin spas.” RIHA
