Dewleta tirk a dagirker ku di 23’yê Nîsanê de li Herêmên Parastinê yên Medyayê dest bi operasyonên dagirkirina herêmê, qetilkirina sivil û wêrankirina xwezaya axa Kurdistanê kiribû didome. Her wiha bi çalakî û bersivdayîna hêzên gerilayan şer û pevçûnên dijwar berdewam dikin. Ligel vê bertek û nerazîbûnên gel, sazî,rêxistin û partiyên kurd ên li dijî dagirkeriya dewleta tirk her ku diçe zêde dibe.
Li dijî van kiryarên dewleta tirk li başûrê Kurdistanê 10 partî û rêxistinên sivîl, her wiha kesayetên serbixwe, rojnamevan û çalakvan wê sibe li Silêmaniyê dijî dagirkeriya dewleta tirk, meşek girseyî li dar bixin. Partî û rêxistinan banga tevlîbûna meşê li tevahiya gelê Başûr kir.
Meş ji aliyê 10 partî û rêxistinên sivîl, her wiha kesayetên serbixwe, rojnamevan û çalakvanên ku di bin navê “Navenda Kar a Nîştimanî” de hatin cem hev ve tê organîzekirin.
Têkildarî meşê, îro li salona Sînemaya Salim a Silêmaniyê bi beşdariya nûnerên partî û rêxistinan daxuyaniyek hat dayîn.
Berdevkê Navenda Karê Nîştimanî Nebez Xalid daxuyanî xwend û da zanîn ku wê sibe meşek giştî li bajarê Silêmaniyê dijî dagirkeirya dewleta tirk a li ser başûrê Kurdistanê lidar bixin.
Nebez Xalid diyar kir ku dê meş di saet 17.00’an de li Şeqama Salim (Rêya Saholeke) ya Silêmaniyê dest pê bike û li Baxê Giştî bi daxuyaniyekê bi dawî bibe.
Xalid bang li tevahiya gelê Başûr kir ku tev li meşa dijî dagirkeriya dewleta tirk bibin.
Partî û rêxistinên di bin Sîwaneya Navenda Karê Niştimanî de hatine cem hev ev in:
Hîzbî Şuî (Komunîst
Hîzbî Zehmetkêşanî Kurdistan
Yekitiya Komunîstan
Tevgera Azadî
Gruba Heng
Rêxistina Sewz a Kurdistanê
Rêxistina Suriştî ya Kurdistan
Asoyê Nû
Sekoy Dijî Dagirkerî
Desteya Destpêşxerî Bo Konferansî Niştimanî
SILÊMANÎ
