Nerazîbûnên li dijî dagirkeriya dewleta tirk û nêzîkatiyên PDK’ê yên ku hewl dide gerîla dorpêç bike, zêde dibe. Pêşmergeyê Dêrîn Celal Abdullah li ser mijarê ji ajansa Rojnewsê re axivî.
Celal Abdullah diyar kir ku dîrok tiştên ku malbata Barzanî û dewleta tirk dike tomar dike û wiha got: “Xistina tevgerê ya hêzê ji aliyê PDK’ê ve tu şîroveyek wê nine, ev cehşayetî û nokertîkirina ji bo dewleta tirk a faşîst e.”
Celal da zanîn ku ew li dijî hemû dagirkeriyê ne û wiha domand: “Di dema xwe de min li dijî rejima Baasê çek rakir, ger ez niha ciwan bûyam minê niha jî li dijî dagirkeriya tirk çek rakiriba û şer kiriba.”
Celal Abdullah destnîşan kir ku ew li dijî wan aliyên ku hêsankarî û hevkariya dewleta tirk dikin û got ku ev tişta ku binemala Barzanî ji bo Tirkiyeyê dike di dîrokê de tê nivîsandin û axaftina xwe wiha bi dawî kir: “Çawan ku berê cehş hebûn, niha jî PDK bi heman awayî li pêşiya artêşa tirk a dagirker dikeve û cehşayetiyê jêre dike.” SILÊMANÎ
