Navenda Nûçeyan |
Kesên di Şandeya Aştiyê de cih girtin û xwest ji Almanyayê biçin başûrê Kurdistanê hat binçavkirin, hîn di bin çavan de ne. Ji bo 7 kesên ku di Şandeya Aştiyê ya ji 27 kesan pêk tê cih digirtin de ku dixwestin ji Balafirgeha Dusseldorfê ya Almanyayê biçin bajarê Hewlêrê biryara qedexeya derketina derveyî welat hat dayîn. Lêpirsîna binçavkirinê ya kesên din ên di şandeyê de cih digirin dewam dike.
5 siyasetmedarên kurd ên di navê de siyasetmedar Demîr Çelîk jî heyî li dijî binçavkirin û biryara qedexeya derketin derveyî welat dest bi çalakiya greva birçîbûnê kirin.
Hinceteke sosret
Polîsên alman ku belgeya qedeya çûna Başûr da endamên şandeyê. Di belgeya hinceta qedexeyê de li gel binçavkirin û astengkirinê, sosretiyek din balê dikişîne.
Di belgeya ku ji aliyê endama şandeyê û parlamentera Partiya Çep a Almanyayê Cansu Ozdemîr ve li ser hesaba twitter hatiye parvekirin de, li ser berjewendiyên Almanya û Tirkiyeyê hatiye rawestadin.
Di belgeyê de wiha tê gotin: “Desteka pasîf ku dê ji bo çalakiyên PKK’ê yên li herêma şer ên dijî hêzên hevkara NATO Tirkiyeyê were dayîn, wê bandorê li ser berjewendiyên girîng ên Almanyayê bike. Tevlibûna van çalakiyan a welatiyên Almanyayê ku destûra daniştvaniyê li Almanyayê heye, wê pêşendiyên bi Tirkiyeyê re bi zehmettir bikin.”
