Li Qereyaziyê ya navçeya Erziromê di 9’ê hezîranê de daweta Kerîm Polat hat lidarxistin. Polîsan bi ser dawetê de girt û Kerîm Polat binçav kirin. Karwanê wesayîtên dawetê ji Xinûsê derket û di ketina Qereyaziyê de ji aliyê polîsan ve hat sekinandin. Polîsan bi hinceta plaka erebeyê xuya nake 551 lîre cezayê pere li xwediyê dawetê birîn.
Polîsan pişt re bi ser eywana dawetê de girt û Kerîm Polat ê zava bi hinceta cilên netewî lixwe kiriye binçav kirin. Li Miduriyeta Polîsan a Qereyaziyê polîsan pirsa ‘Te çima van cilan li xwe kiriye’ ji Polat kirin. Di hinceta binçavkirina Polat de wiha hat gotin: “Li Eywana Dawetê ya Anter hatiye tespîtkirin ku kesê cilên leşkerî û meqapê li xwe kiriye hatiye binçavkirin.”
Polat di îfadeyên xwe de destnîşan kir ku cilên li xwe kiriye herêmî ye û ev yek nabe sûc. Zava piştî îfadegirtinê hat berdan. ERZIROM
