Navenda Nûçeyan |
Di çarçoveya Pêngava Werin Cenga Azadiyê ku ji aliyê Komeleya Ciwanên Welatparêz ên Kurdistanê û Jinên Ciwan ên Têkoşer ve hatiye destpêkirin, ciwan tev li nav refên gerîla dibin.
Li gorî nûçeya ANF’ê 3 ciwan ku yek ji wan li Ewropa, yek li Hewlêr û yek jî li Kerkûkê ye, tev li refên gerîla bûn.
Ciwanên ku têkildarî mijarê videoke kişandin û ji Ajansa ANF’ê re şandin, sedema biryara xwe aşkera kirin.
Ciwanê bi navê Mîvan Îbrahîm ê ji Kerkûkê dibêje ku wî li ser esasê kampanyaya ‘Werin Cenga Azadiyê’ biryara tevlibûnê daye.
Ciwanê ji Hewlêrê ku navê Şehîd lixwe kiriye, got ku wek erkeke niştimanî li dijî êrîşên artêşa tirk a dagirker û îxanetê tev li nav refên gerîla dibe.
Ciwanê ku ji Ewropa jî hatiye sedema tevlibûna xwe wiha anî ziman: “Ez nikarim li hemberî kiryarên dagirkarane yên dewleta tirk çavên xwe bigirim û min biryara tevlibûnê daye”.
Her sê ciwanan jî bang li hemû ciwanên Kurdistanê kirin ku ji bo bersivdayîna dagirkarî û îxanetê, tev li kampanyaya ‘Werin Cenga Azadiyê’ bibin.
