Navenda Ragihandin û Çapemeniyê ya HPG’ê têkildarî çalakiyên gerîlayên HPG û YJA Starê daxuyaniyeke nivîskî weşand.
Daxuyaniya HPG’ê wiha ye:
“Di çarçoveya Pêngava Serketinê ya Egîdên Botanê de;
Dagirkerên artêşa dewleta tirk li herêma Kato Jîrka ya Botanê li qadên Deriyê Beqê, Deriyê Berana û Deriyê Qaçê kemîn danî bûn. Hêzên demeke dirêj ev dagirker xistin bin kontrola xwe û 3’yê tîrmehê saet di 20:20’î de li qada Meydan Casûsan ji du baskan ve bi koordîneyî lê dan. Di vê çalakiya hêzên me yên YJA Starê de 3 dagirker hatin cezakirin.
4’ê tîrmehê saet di 22:00 de li qada Garisa ya navçeya Dihê ya Sêrtê, li dijî wesayîteke zirxî ya bi tîpa Kîrpî a artêşa tirk a dagirker ku ber bi Qereqola Tiryanê ve diçû, bi rêbaza sabotajê çalakî hat lidarxistin. Di encama çalakiyê de wesayîta Kîrpî bi temamî hat îmhakirin û 10 dagirkerên tê de hatin cezakirin.
Di çarçoveya Pêngava şoreşgerî ya Cenga Xabûrê de li herêma Metînayê;
7’ê tîrmehê saet di 07:00 de li çiyayê Zendûrayê li dijî dagirkeran çalakî hat lidarxistin. Di vê çalakiyê de 3 dagirker hatin cezakirin, 2 dagirker jî birîndar bûn. Di dema çalakiyê de kozikek û 2 sîstemên kamera ya mobesse yên li ser gir hatin îmhakirin.
Di çarçoveya Pêngava Şoreşgerî ya Bazên Zagrosê de li herêma Avaşînê;
6’ê tîrmehê saet di 23:10’an helîkoptera êrîşê ya li herêma Girê Silêman ku dixwest bombardûmanê bike, bû hedefa hêzên me. Derb li helîkopterê hat xistin û di encamê de helîkopter neçar ma ku ji herêmê biçe.
7’ê tîrmehê saet di 05:00 de li dijî dagirkerên ku ji Girê Şehîd Întîkam ber bi Girê Şehîd Dijwar ve diçûn, bi rêbaza sûîqestê çalakî hat lidarxistin. Di encama vê çalakiyê de dagirkerek hat cezakirin.
Dewlet tirk a dagirker bi helîkopter û balafiran bombe li herêmên Avaşîn û Metînayê barand. Bi gazên bi jehr êrîşê dibe ser tunelên şer ên li qadên Girê Sor û Werxelê ya Avaşînê.
Agahiyên berfireh ên li ser liv û tevgera dijmin û bombardûmanê wiha ne:
6’ê tîrmehê saet di navbera 17:00-01:00 de li qada Derarê ya herêma Metînayê helîkopter geriyan, gundê Hirorê, Kela Qumriyê, Gundê Dêşîşê û Koordîne bi helîkopterên êrîşê hatin bombekirin.
6’ê tîrmehê saet di navbera 00:00-00:30’î de li herêma Avaşînê qada Stunê û saet di 22:00 de jî li qada Werxelê bi balafirên şer bombardûman li tunelên şer hat kirin.
7’ê tîrmehê saet di 05:00 de gundê Maya yê herêma Metînayê bi balafirên şer hat bombekirin.
Ji ber vê bombardûmanê tiştek bi hêzên me nehatiye.” BEHDÎNAN
