Cenazeyê Abdullah Bûlat (Armanç Cûdî) ê HPG’î ku di 18’ê gulanê de li navçeya Licê ya Amedê şehîd bibû, li bajarokê Kaniya Henê yê navçeya Hezoya Êlihê hat veşartin. Cenazeyê ku 57 roj in li Nexweşxaneya Lêkolîn û Perwerdê ya Gazî Yaşargîl a Amedê dihat sekinandin duh şev radestî malbata Bûlat hat kirin.
Malbatê cenaze bir bajarokê Kaniya Henê û bi tevlibûna endamên malbatê, xizm û gelek kesan merasîma cenaze li dar xist. Piştî ku wecîbeyên olî yên cenazeyê Bûlat bi cih anîn, cenaze li goristana bajarok hat veşartin. AMED
