Navenda Nûçeyan |
Karkerên kurd ên li Afyonê karên demsalî dikin, duh li bajaroka Dereçîne ya navçeya Sultandagi ya Afyonê bi êrîşa nijadperestan re rû bi rû mabûn. Di êrîşê de 7 karkerên kurd birîndar bûbûn. Ji 7 karkerên birîndar 5 karker rakirin Nexweşxaneya Dewletê ya Sultandagi. Karker Îsmaîl (18) û Îremnûr (17) û pismamê wan Alî Tan ku birîndar bûbûn ji ber zêde verşiyan ew rakirin Nexweşxaneya Dewletê ya Afyonê.
Piştî muayineyê derket holê ku ji ber lêdanê Îsmaîl û Alî Tan birîndar bûne û masûr û gurçikên wan zêde zerar dîtine. Birîndaran diyar kirin ku beyî bên dermankirin ew birine midûriyeta polîsan û îfadeyên wan girtine.
Dayika Îsmaîl Tan ê di êrîşê de birîndar bû Azîze Tan ji Ajansa Mezopotamya (MA) re axivî û bertek nîşanî êrîşkaran da û wiha got: “Kurê min birin daristanê û gotin ‘Em te bikujin. Ben bînin em wî darve bikin’ û gefa kuştinê lê xwarin. Xwestin kurê min bikujin.”
Azîze Tan anî ziman ku piştî zarokên wan ji nexweşxaneyê derkevin dê vegerin Amedê.
