Navenda Nûçeyan |
Koalîsyona Nûçegihanên Jin (CFWIJ) li dijî zexta polîsan a li ser nûçegihanên jin, li dijî hêza bêrêje ya li ser nûçegihanên jin ên li pey nûçeyan û tundiya fizîkî kampamyaya îmzeyan da destpêkirin.
D metna îmzeyan de hat gotin ku ji serê sala 2021’an û wir ve polîsên tirk tundî li ser 44 nûçegihanan kiriye, 13 nûçegihanên jin dema li pey nûçeyan bûn hatine binçavkirin.
Di deqa îmzeyan de hat gotin ku li Tirkiyê îsal her roj polîsan tundî li ser nûçegihanên jin kiriye, li gorî daneyên sala 2020’an, tundiya li ser jinan ji sedî 158,82 zêdetir bûye û wiha hat diyarkirin: “Li dijî van hemû destêwerdanan em CFWIJ ji bo em li cem nûçegihanên jin bin ku hewl tê dayîn bi destê daraz, dewlet û polîsan tenê werin hiştin, bang li her kesî dikin ku tev li kampanyaya me ya îmzeyan bibin. Di rewşeke wiha de ku em dixwazin nûçegihanên jin azad bin û ewle bijîn, bi etîketa #GuvendeDegiliz (Ewlehiya me nîne) destekê bidin nûçegihanên jin, ji bo ku cihêrengiya civakî çêbibe, îmzeyê bidin.”
Wekîlên HDP’ê Oya Ersoy, Tulay Hatîmogullari, Fîlîz Kerestecîgolu Serpîl Kemalbay, Zeynel Ozen û wekîlên CHP’ê Alî Şeker û Turan Aydogan, parêzer û aktivîstên jin destek dan kampanyayê.
Kesên ku bixwazin piştgirî bidin kampanyayê dikarin li ser vê lînkê xwe bigihînin kampanyayê: https://docs.google.com/forms/d/e/1FAIpQLSevql6XQ5gRJ7QXYU6cG0OGv5ghmxYDtj9ukVtiHK6MzRgpIQ/viewform
