Navenda Nûçeyan |
Liv û tevgera çeteyên DAIŞ li herêmê zêdetir dibe. Duh bi şev çeteyan li Herêma Mexmûrê û Hewlêrê 3 êrîş pêk anîn.
Der barê êrîşan de yek pêşmergeyên li eniya Mexmûr Xazî Feysel, ji Rojnews re axivî. Feysel got ku duh bi şev di saet 10:30’an de çeteyên DAIŞ êrîşî nav gundê Sêbiryan ê ser bi Hewlêrê ve kirin.
Xazî Feysel got ku çeteyan welatiyê bi navê Yûsif Nemir Reşîd (17) ji gund revandin lê piştî hêzên Iraq û xelkê gund ketin pey çeteyan, çete neçar mane Yûsif berdin.
Xazî Feysel diyar kir ku duh bi şev çeteyan li gundê Mehmudî ya ser bi Mexmûrê, 5 hewan avêtine hêzên Iraqê, piştî kêmek şer qewimiye û çete ber bi çiya reviyane.
Her wiha Xazî Feysel got ku çeteyan heman şev trafoyek ceyranê ya li ser rêya Hewêr û Mexmûr jî kirine hedef û teqandin û da zanîn heya niha jî xelkê Mexmûrê bê ceyran e.
