Navenda Ragihandin û Çapemeniyê ya HPG’ê têkildarî çalakiyên gerîlayan daxuyanî da û ev agahî parve kir:
“Di çarçoveya Pêngava Şoreşgerî ya Bazên Zagrosê de li herêma Xakurkê,
8’ê tebaxê saet di 07:10’an de li dijî dagirkerên li ser Girê Şehîd Axîn ê Xakurkê, hêzên me yên YJA Starê bi çekên giran çalakî li dar xistin. Di vê çalakiyê de ku derb li hedefên hatin diyarkirin hat xistin, hejmara dagirkerên hatin cezakirin û birîndar bûn nehate zelalkirin.
Di çarçoveya Pêngava Şoreşgerî ya Bazên Zagrosê de li herêma Avaşînê,
Dagirkerên li quntara Girê Sor ji aliyê hêzên me ve hatin kontrolkirin. 8’ê Tebaxê saet di 14:30’î de dema ku dagirker ketin nava liv û tevgerê, ji nêz ve lê hat xistin. Piştî vê derbê dagirker li qadê belav bûn û cara duyemîn derb lê hat xistin. Di van çalakiyan de herî kêm 2 dagirker hatin cezakirin. Dagirkeran piştî çalakiyê kuştiyên xwe ji herêmê birin û bi qedemeyekê xwe vekişandin.
8’ê tebaxê saet di navbera 12:00-18:00 de li herêma Avaşînê li dijî tunelên şer ên li qada Werxelê 5 caran gazên kîmyewî hatin bikaranîn. Heman rojê saet di 01:00 de tunelên şer bi teqemeniyan hatin bombekirin. Drone li ser herêmê hîn jî digerin.
8’ê tebaxê saet di navbera 10:00-10:30’î de li herêma Zapê qadên Karker û Sîdayê bi balafirên şer hatin bombekirin.
8’ê tebaxê saet di navbera 21:00-00:00 de helîkopter li qada Qaşûra ya herêma Metînayê geriyan.” BEHDÎNAN
