Navenda Nûçeyan
Zarokê bi navê Ebdulezîz Mecdet Mûsa (16) yê şêniyê Hesekê xwest bi şev di sînor de derbas bibe, lê Mûsa ji aliyê leşkerên tirk ve tê girtin. Leşkerên ku Mûsa digirin bi hovane wî îşkence dikin û pişt re wî ji ser diwarê sînor ve davêjin aliyê din.
Mûsa têkildarî mijarê got ku ew ji aliyê herî kêm 6 leşkeran ve hatiye îşkence kirin û ev tişt got: “Leşkeran min bi kêr û amûrên tûj îşkence kirin û di berbangê de ji ser dîwarê sînor de avêtin erdê.”
Her wiha di 8`ê tebaxê de jî leşkerên tirk tecawizê jinek û zarokek 11 salî kirinbûn û îşkence li ciwanên ku hewl dabûn sînorê di navbera Qamişlo û bakurê Kurdistanê de derbas bikin, kiribûn.
