Di çarçoveya lêpirsîna Serdozgeriya Komarê ya Amedê ku bi rêve dibe de, polîsan di saetên serê sibê de, avêtin ser 104 malan. Di serdegirtinên malan de, nûçegihana JinNewsê Bêrîtan Canozer jî di nav de herî kêm 59 kes hatin binçavkirin.
Kesên ku li Amedê hatin binçavkirin li Miduriyeta Polîsan a Amedê tên girtin. Hat diyarkirin ku dibe ku hejmara binçavkirinan zêde bibe.
Li Edenê avêtin ser malan
Di heman demê de li Edeneyê jî polîsan di çarçoveya lêpirsîneke Serdozgeriya Komarê ya Edenê bi rêve bir de avêtin ser gelek malan.
Polîsan di çarçoveya lêpirsînê de, bi ser 29 navnîşanan de girtin, deriyên malan bi balyozan şikandin û tiştên di malan de belav kirin. Hat diyarkirin ku di serdegirtinên malan de gelek kes hatin binçavkirin û hîna jî li gelek malan lêgerîn berdewam dike.
