Navenda Nûçeyan |
Platforma ‘Ji bo yekitiya neteweyî ya Kurdistanê / Ewropa’ ku ji saziyên kurdistanî yên li Ewropayê pêk tê, li dijî êrîşên dewleta tirk ên li ser Şengalê daxuyaniyek da û banga lezgîn kir.
Di daxuyaniyê de hat ragihandin ku êrîşa dewleta tirk a li ser wesayîtek li Şengalê û Nexweşxaneya gundê Sikêniyê ku di encamê de gelek kesan jiyana xwe ji dest dan, sûcê şer ê navneteweyî û dijminatiya li civaka êzidî ye.
Di daxuyaniyê de hat destnîşankirin ku dewleta tirk hewl dide qirkirina civaka êzidî ku DAIŞ’ê nekarî bike, dewam bike û wiha hat gotin: “Gelê êzidî gelek caran ji hêzên navneteweyî re gotiye ku Tirkiye ji bo Şengalê gefeke mezin e. Daxwaza naskirina xwerêveberî û xweparastinê kirin. NATO’yê û dewletên din rê dan Tirkiyeyê ku êrîşî êzidiyan bike. Bêdengiya navneteweyî ya li pêşberî komkujiya li ser êzidiyan hîn jî dewam dike.”
Di daxuyaniyê de hat bibîrxistin ku civaka êzidî yek ji civakên herî kevn ê Mezotopamyayê ye û ev tişt hat gotin: “Piştî qirkirina Tebaxa 2014’an, mafê êzidiyan e ku xwe biparêzin. Erk û berpirsyariya navneteweyî ye ku li ber qirkirineke nû bisekine. Dewleta tirk bi van êrîşan dixwaze qirkirina ku DAIŞ’ê sala 2014’an kir dewam bike û êzidiya bi rêk û pêk qir bike. Em careke din bang li mirovahiyê dikin ku li dijî êrişên Tirkiyeyê bisekinin û wan rawestînin. Em bang li civaka êzidî, civaka kurd, dostên demokratîk û mafên mirovan dikin ku li dijî êrîşên dewleta tirk seferber bibin, li ber xwe bidin.”
Saziyên ku daxuyanî dane
Yekitî Niştimanî Kurdistan (YNK
Tevgera Goran
KCDK-E (Kongra Civaka Demokratîk a Kurdistanê-Ewropa)
TJK-E (Tevgera Jinên Kurdistanê-Ewropa)
Partiya ŞÛÎ – Başûrê Kurdistanê
Kongra Star (Rêxistina Jinan a Rojava, Bakur-Rojhilatê Sûriyeyê) Ewropa
Partiya Zahmetkêşan – Başûrê Kurdistanê
PADÊ (Partiya Azadî û Demokrasiya Êzidiyan)
Tevgera Azadî
PYD (Partiya Yekitiya Demokrat)
P.D.K.S (Partiya Demokrat a Kurdî ya Sûriyeyê)
Partiya Çep a Kurd li Sûriyeyê
Tevgera Nûjen a Kurdistanî-Sûriye
PÇDKS (Partiya Çep a Demokrat a Kurd li Sûriyeyê)
Partiya Demokrata Kurd li Sûriye (El Partî)
Partiya Çep a Demokrat li Sûriye
Partiya Rêkeftin a Kurd li Sûriye
Partiya Çaksaziya Kurd li Sûriye
Partiya Kesk a Kurdistanî li Sûriye
Partiya Demokrata Kurdistanî li Sûriye
Partiya Komanist a Kurdistanî li Sûriye
PÎK (Partiya Îslamiya Kurdistan)
KKP (Partiya Komînîsta Kurdistan)
Tevgera Kawa
PJAK (Partiya Jiyana Azad a Kurdistan)
Yakyatî Şoreşgêrî Kurdistan
KODAR (Civaka Demokratîk û Azad a Rojhilatê Kurdistanê)
KJAR (Civaka Jinên Rojhilatê Kurdistanê)
Platforma Horam
Platform Zagros
Platform Yarsan
Yarî Kurd
Partiya Demokrat û Pêşverû Kurdî li Sûriye
Tevçand (Tevgera Çand û Hunera Kurd)
Kurdische Gemeinde Stuttgart e.V
FEDA ( Federasyona Elewiyên Kurdistanê)
NAV – YEK (Federasyona Komelên Êzidiyan)
Kurdische Zentrum Berlin
CIK ( Civaka Îslamî ya Kurdistanê)
Enstîtuta Kurdî – Almanya
Enstîtuta Kurdî – Bruksel
MŞD (Meclisa Şingal a Derveyî Welat)
YMK (Yekitiya Mamosteyên Kurdistanê)
YES (Yekitiya Êzidiyên Sûriyeyê)
Kurdisch Gemeinde Brandenburg – Berlîn
Dachverband der Êzidischen Frauenräte
DKF (Deutsch-kurdisches Forum) e.V Dresden
Kongreya Gel a Mezopotamyayê
Partiya Azadiyê ya Mezopotamyayê
Kurdistan human rights Association