Hêrişê vera elewîyan, vatişê nefretin û nîşankerdişê keyeyê elewîyan dewam kenê. Çend roje vere cû taxê sey Ova û Uçakî yê pabesteyê qezaya Seyhanî ya Edene de keyeyê elewîyan sero de ‘Kizilbaş’ amebi nuştene û keyeyê înan ameybi nîşankerdene. Ame zanayene ke nuşte 24ê tebaxe de hetê kesanê nênasan ra ameyo nuştene. Welatîyê ke keyeyê înan ameybi nîşankerdene ajansê PIRHA rê qisey kerdî û dîyar kerdî ke ê tede mendê ke se bikerî û ganî berpirsîyarî cade bêrî tepiştene.
Welatîyê ke keyeyê înan ameybi nîşankerdene û dêsan ser de ‘Kizilnaş’ ameybi nuştene dîyar kerdî ke bi des serrano ke taxe de cuyenê û heta nika tu problemêk nêcuyayibî û wina vatî: “Ganî selahîyetdarî gamêk lez kerdoxan bitepişî.”
Cinîya bi nameye Safîye zî daye zanayene ke seba ke taxa înan de xebata viraştişê rayîran esta ê ferq nêkerdî ke keyeyê elewîyan ameyî nîşankerdene û va: “Elewî se kerdî înan?” EDENE
