Federasyonê Komeleyanê Dêrsimî (DEDEF) semedo ke bale bianco şewatê Dêrsimî Kadikoy de eşkerayîyêke daye. Xeylêk temsîlkar û îdarekarê rêxistinan û dezgehan zî tewrê eşkerayîye bîyî. Eşkerayîye de pankarta ‘Oyo ke vêşeno cigêrê ma, ganê ma û ameyoxê ma yo’, dowîzê ‘Dêrsim 12 rojî yo vêşeno, AKP seyr keno’ ameyî akerdene.
Hetkarê Serekê DEDEFî Ulaş Yegînî pare kerd ke dewlete pê bahaneya ‘herêma qedexekerde’ nêverdena şar mudaxeleyê şewatî bikero û vat: ”Têna Dêrsim de nê Çewlîg, Cizîre û Şirnex de zî şewatî estê û dewlete nêverdena nê şewatî hewna şêrê. Her serre operasyonan ra semed herêma ma de şewatî qewimîyenê û nê şewatan de daristanê ma, xozaya ma çin bena.
Verî ke şewat hîna zaf vila nêbo ganî hewayî ra ci rê mudaxele bêro kerdene. Şerî, rantî daristananê ma wele kenê. Ganî herêmê şewatî semedê ocaxanê madenan nêrê akerdene bivurîyê halê xo yê verênî. Ma do na mesele teqîb bikerê. Ma wayîrê Dêrsimî vejîyê.”
Eşkerayîye pê sloganan qedîyaye. STENBOL
