Polîtîkayê ekonomîye ya îqtîdarê AKP-MHPyî, bi Covîd-19 dir tesîrêk pîl serê esnafan de kerd. 2020 de 99 hezar û 588 esnafî dikanê xo padayî û na hûmare 2021 de resa 29 hezar û 37ine. Cinîyê ke rewşe ra xeylêk tesîr bî, goreyê camêrdan tewr zêde îstîhdam vînîkerdî û tewr zêde feqîr bî.
Sey xeylêk cayî, qezaya Pulurî ya Dêrsimî de zî esnafê cinî hewl danê kargerîyê xo serê lingan de bigîrê û dîyar kenê ke çarçewaya tedbîrê pandemî de paştdayîş ameyo dayîş qels bîyo û mecbûr mendê karkeran kar ra vejê. Duygu Dînler nê esnafan ra yew a. Serrêke verê atolya tekstîlî akerd û 13 cinî dir îstîhdam awan kerd. Duygu dîyar kerd ke seba ekonomî mecbûr menda heme xebatkaran kar veja û seba atolye nêgîro tena xebityena.
‘Ma paştdayîşêk nêdî’
Duyguye zor û zehmetîyê dimayê pandemî dîyê wina qal kerd: “Serê pandemî de mi tekstîl 13 cinîyan dir akerd. Nika tena ya. Mi seba îstîhdamê cinîyan tîya akerd. La seba pandemî cinî mecbûr mendî kar ra vejîyê. Beşêk zî mecbûrî mi vet. Dimayê di mengan ma kargerî pada. Seba mecbûr menda mi reyna akerd. Nika pêro karî ez tena kena. Ma selahîyetdaran ra tu paştdayîş nêdî. Embazêke mi bi aşmêke seba paştdayîş yena vera mi. Aye nêbîne mi rewra padayîne. Ez xo ver dana ke dikan nêgîrî.”
‘Paştdayîşê cinîyan cesaret dano mi’
Duyguye dewam de wina vat: “Ez her serê sibayî berê kargerî bi omid akena. Bi paştdayîşê embazanê mi, omidê mi zêde bi. Ma moral danê yewbînan. Pêwa zehmetiyan ma kêf karê xo ra gênê. Ez bi hêzê paştdayîşê cinîyan bawer kena û cesaret danê mi. Cinî tena zî bêrê verdayîş, bêrê binpaykerdiş zî fek têkoşînî vera nêdanê. Cinî serkewte ya.”
‘Cinî biwazo eşkena her çî bikero’
Yasemîn Şengezer zî seba paştdayîşê Duyguye uca de xebityena û vat: “Embaza mi rojê zehmet ciwîyenê. No kargerî seba îstîhdamê cinîyan akerd la ame sewîyaya padayîşî. Pandemî de paştdayîş nêgirewt. Bi 13 cinîyan vejîya rayîr la tewr peyîn betal mende. Karê ke ganî xeylêk kes bikero, aye tena sereyê xo kena. Ez seba paştdayîşê aye ameya. Ez aye ra bawer kena. Aye eşkena binê zehmetî ra vejîyo. Cinî biwazo eşkena binê heme zor û zehmetiyan ra vejîyo.” DÊRSIM
