Li Wargeha Penaberan a Şehîd Rustem Cûdî (Mexmûr) êrîşên dewleta tirk ên kîmyewî bi daxuyaniyekê li ber deriyê avahiya Saziya Malbatên Şehîdan hat, şermezar kirin.
Beriya ku daxuyanî were xwendin ji bo bîranîna şehîdên Kurdistanê deqeyek rêz hat girtin. Piştre bi navê şêniyên wargehê endama Koordînasyona Meclisa Îştar Xurbet Îşlek daxuyanî da.
Di daxuyaniyê de ev tişt hat gotin: “Di salvegera pêngava ‘Dem Dema Azadiyê’ de em wek gelê wargehê Rebêrtî, şervanên azadiyê û girtiyên zindanan silav dikin û em dibêjin wê paşeroj a gelê berxwedêr û hevgirtî be.
Berxwedana gerîla nêzî 5 meh pey xwe hişt. Dewleta tirk çi rêbazên derveyî mirovatiyê nemane ku li hember gerîla bi kar neaniye. Bi rojane li pêş çavên tevahiya cîhanê li dijî gerîla çekên kîmyewî bi kar tîne. Di heman demê de ev êrîş ziyaneke mezin dide xwezayê jî. Em wek gelê kurd bi tu awayî van êrîşan qebûl nakin û şermezar dikin. Wê teqez vîna gerîla ya ji pola bi ser bikeve.
Em wek gelê wargehê li hemberî van êrîşan hemûyan çalakiyên demokratîk bikin û li hemberî dijmin çokê danaynin. Li hemberî êrîşên ku li ser xaka Iraqê tê kirin divê Iraq bi berpirsyariya xwe rabe.”
Daxuyanî bi dirûşmayên ‘Bijî Serok Apo’ û ‘Bê Serok Jiyan Nabe’ bi dawî bû. MEXMÛR
