PDKyî bi bahaneya weçînayîşê Iraqî xîret kerd ke 2ê teşrîna verêne de hêzanê xo yê çekdaran Şingal de ca bikero. Yeno vatene ke PDK wazeno peymana 9ê teşrîna peyêne ya 2020î bivisno dewre.
Selahîyetdarê Şingalî vanê ke PDK wazeno derbazê mîyanê şaristanî bino û baregehê leşkerî tede virazo. Goreyê agahî û dîmenanê ke Şingalî ra ameyî parekerdene şaristan de rewşa îstîsnayîye esta. Şarê Şingalî ver bi noqtayanê Asayîşî û Meclîsanê Şarî herikîyeno.
Îdareyê Xoserî yê Şingalî pê eşkerayîyêke xoverdayîşê şarî selam kerd. Îdareyê Xoserî eşkerayîya xo de bi kilmî wina vat:
”Pê fermanî ê nêeşkayî şarê ma çin bikerê nika zî pê kayanê sîyasîyan wazenê ney bikerê. Wa şarê ma hîşyar bo, destûr nêdo ê kesanê ke vera şarê ma planê gemarinî kenê. Şingal de ma îradeyê şarî ra ber îradeyêk qebul nêkenê. Çi hukmatê Iraqî çi hêzêko bîn kam ke teberê îradeyê şarê Şingalî de birêke bigêro şar do ey pûç bikero. Înan pê peymana 9ê teşrîna verêne îradeyê şarî nêşinasna. Coka ma zî înan nêşinasnenê. Şingal de her keyeyê ra yew/e destê DAÎŞî de yo/a. Kesê ke bîyî sebebê ney wazenê debikewê Şingalî û şarê ma rê reyna îxanet bikerê. Ma do cewab bidê înan. Ma do bibê kabusê ê kesanê ke îradeyê şarî nêşinasnenê. Wa biciwîyo xoverdayîşê şarê Şingalî.” ŞINGAL
