PDKyî bi bahaneya weçînayîşê Iraqî xîret kerd ke 2ê teşrîna verêne de hêzanê xo yê çekdaran Şingal de ca bikero. Yeno vatene ke PDK wazeno peymana 9ê teşrîna peyêne ya 2020î bivisno dewre. Xîretê mudaxeleyî yê hêzan ê çekdaran ê PDKyî Şingal de bi sebebê rewşêka îstîsnayîye. Şarê Şingalî ver bi noqtayanê Asayîşî û Meclîsanê Şarî herikîyeno.
Selahîyetdarê Şingalî vanê ke PDK wazeno derbazê mîyanê şaristanî bino û baregehê leşkerî tede virazo. Goreyê agahî û dîmenanê ke Şingalî ra ameyî parekerdene şaristan de rewşa îstîsnayîye esta. Şarê Şingalî ver bi noqtayanê Asayîşî û Meclîsanê Şarî herikîyeno.
Şingalijan ra Elî Hemedî îfade kerd ke ê do qetî îxanetê PDKyî qebul nêkerê. Xanesorî ra Saarî vat ê do verê hêzanê PDKyî bigêrê û meverdê bikewê Şingalî.
Cinîyêka ciwane zî ard ziwan ke Şingalî goreyê fikrê azadî xo rêxistin kerdo û vat: ”Kes nêeşkeno ma biqedîno.’
Şengalijî nuqtayanê asayiş û Meclisê Şarî ver de arê bîyî û xo kerdî qelqanê ganî. ŞINGAL
