Malbata Şenyaşar (Emîne Şenyaşar û lawê xwe Ferît) ji 9’ê adara 2021’an ve bi daxwaza ‘edaletê’ li ber Edliyeya Rihayê nobetê digire. Malbatê di roja 212’emîn de çalakiya xwe berdewam kir. Ferît Şenyaşar diyar kir ku dozgeriyê bi îdiaya ‘heqaret li Serokkomar kiriye’ der barê wî de lêpirsîn hatiye destpêkirin.
Ferît Şenyaşar destnîşan kir ku lêpirsîn û doz û astengî nikarin têkoşîna wan a edaletê rawestînin û dê her têkoşîna xwe berdewam bikin.
Şenyaşar da zanîn ku polîs lê geriyane û jê re gotine divê biçe li midûriyeta polîsan îfade bide.
Şenyaşar di hevpeyvînek xwe de gotiye ‘Ji Qesrê ditirsin’ û ji ber vê yekê lêpirsîna ‘Heqaret li Serokkomar kiriye’ hatiye destpêkirin. RIHA
