Zîndanê Wanî de binpaykerdişê heqanê merdiman zêdîyenê. Tepişte Veysî Bayatî pê telefonî keyeyê xo rê qala îşkence û şîdetî kerde. Babî Abdullah Bayatî da zanayene ke lajê ci wexto ke qisey kerdêne fekê ci zor abibîyêne.
Babî Bayatî vat:”Lajê mi maruzê hêrişê gardîyanan bîyo. Nêeşkeno ronişo û wurzo we.Her şewe 20.00 de gardîyanî erzenê koxûşan ser. Lajê mi vat ‘Ma rê îşkence kerd. Eke wina dewam bikero ma do bikişîyê.’ Lajê mi hewteyan ra nata maruzê şîdetî maneno û her şewe yeno berdene odayêne, îşkence vîneno.”
Baabî Bayatî bale ante ser le têna tepişteyê sîyasî yenê hedefkerdene û vat: ”Lajê mi vat ke dima ke mudirê zîndanî vurîya îşkenceyî dest pêkerd. O nêeşkayêne qisey bikero. Vatêne ‘Ez nêeşka payan ser o vindera.’ ê nêameyî berdene bi nêweşxaneyî. Lajê mi vat ‘Ê do ma bikişê.’ Eke no zulm nîyo çita yo? Naye ra pîlêr zulm esto?” Çime: Anf
