Mayanê Aştîye semedê girewtişê cenazayanê gerîlayanê HPGyî Nesrîn Temîr û Yusif Îbrahîmî yê ke netecîya hêrişê hêzanê PDKyî de şehîd bîyî, Bêrê Sinorî yê Sêmalka de çalakîya roniştişî dabî destpêkerdene. Mayan roja 25. ya çalakîye de reyna venga PDKyî da.
Her roje bajaranê sey Hesekê, Qamişlo, Dirbêsiyê, Tirbêspiyê, Dêrîk û Tiltemîrî ra çalakîye rê tewrbîyayîş û paştdayîş beno. Mayan vizêr reyna PDKyî da waşt wa hinî gonîya wayûbirayan mereşîyo û cenazayê înan bidîyê.
29ê tebaxe de hêzanê PDKyî herma Xelîfanî de qefleyêkê gerîlayan da dame ro. Hewt gerîlayan ra pancê înan şehîd bîyî, yewê înan birîndar di gerîlayî xelisîyayî. Rixmo ke di mengî ravêrtî cenazayê ke PDKyî dest nayo ser hema zî nêdîyayî keyeyanê înan. DÊRIK
