Desteya Rêveber a Navendî ya HDP’ê di salvegera darbeya 4’ê Mijdarê de daxuyaniyek weşand.
Di daxuyaniya HDP’ê de ev tişt hat gotin:
“Beriya niha 5 salan di 4’ê Mijdara 2016’an de ji ser partiya me li hemberî siyaseta Tirkiyeyê darbeyek hatibû kirin û ev darbeya siyasî hê jî didome.
Hevserokên me yên berê Fîgen Yuksekdag û Selahattîn Demîrtaş di serî de bi dehan parlamenterên me hatin girtin. Bi vê darbeyê re bi sedan hevalên me yên hatibûn hilbijartin, bi hezaran kedkar û endamên me hatin girtin. Di 4’ê Mijdarê de îradeya gel hat desteserkirin, bi operasyonên derveyî hiqûqê siyaseta demokratîk hat tasfiyekirin, hat xwestin ku daxwaza wekhevî, azadî û aştiyê were tunekirin. Bi biryara yekser a Dadgeha Mafên Mirovan a Ewropayê jî derketiye holê ku ev operasyon ne hiqûqî ye, ev operasyonên siyasî ne.
Desteserkirina îradeyan bi tenê li ser partiya me nehat kirin, zanîngeh, komele û rêxistinên saziyên sivîl jî ketin ber. Desthilatdariyê dît heta ku HDP hebe wê nikaribin li Tirkiyeyê faşîzmê ava bikin û ji ber vê partiya me kirin hedef. AKP û hevkarên wan ne bi tenê darbeya siyasî dan destpêkirin, piştî sala 2015’an maseya çareseriyê jî wergerandin û planên çokdanînê xistin dewrê. Bi vê re li Tirkiyeyê krîzên siyasî, ekonomîk û civakî kûrtir bûn.
Pêvajoya ku bi 4’ê Mijdarê dest pê kir îro bi doza girtina partiya me re didome. Di 5 salên dawîn de bi saya hêza gel û me ji mîrateya xwe ya dîrokî stendiye, me li ber xwe da û em ê li ber xwe bidin. Em ji berê xurttir in. Darbekar jî roj bi roj têk biçin. Bi krîza ku ava kirine, wê têk biçin. Partiya me li ser xwe ye û ji gelên Tirkiyeyê re dibe hêvî.
Di sala 5’an de jî em ê li hemberî vê darbeyê têkoşîna xwe geş bikin. Bi operasyonên tasfiyeya siyaseta demokratîk û zilmê re em teslîm nebûn û em ê nebin jî. Em ê bi ser bikevin, wê gel û rêhevalên me bi ser bikevin.” ENQERE
