Li gelek deverên cîhanê jin ji bo 25’ê Mijdarê Roja Têkoşîna Navneteweyî ya Dijî Tundiya li Ser Jinan daketin qadan û dengê xwe yê li dijî tundiya zilam û dewletê bilind dikin. Yek ji navendên girîng ên van çalakiyan bajarê Kobanê yê rojavayê Kurdistanê ye. Li bajar, bi pêşengiya Rêxistina Têkoşîna Dijî Tundiya Ser Jinan a Sarayê çalakiyên 25’ê Mijdarê hatin destpêkirin û li meclis, bajarok, navçe û komunan semîr tên dayîn.
Jinan pankartên ‘Dengê min bi dengê te re, ji kuştinên jinan re na’ , ‘Pêkve ber bi dinyayeke bê tundî ve’ û ‘Em bi hevre tundiye biqedînin’ li kolan û kuçeyan daliqandine û mal bi mal digerin û di van serdenan de girîngiya têkoşînê vedibêjin. KOBANÊ
