Li Marsîlya ya Fransayê fîlmê Pres ê Sedat Yilmaz hat nîşandan û her wiha rojnameya girtiyên jin ên li girtîgeha Mêrdînê hat nişandan. Nîşandana fîlm û pêşengahê li hêwana sînameyê ya Alhambra çêbû. Ji bo ku balê bikişînine ser zexta li ser nûçegihanan komên çepgir tev li bernameyê bûn.
Dema bernameyê têkilî êrîşên li ser HDP’ê, êrîşên dagirker ên tirk ên li ser Rojava û ji bo ku PKK ji nav ‘lîsteya terorê’ were derxistin danezan û afîş hatin belavkirin.
Di serî de Navenda Civaka Kurd a Demokratîk, Lîga Mafê Mirovan a Marsilyayê, Meşa Jinên Cîhanê, Tevgera Herêma Paca ya Dijnîjatperest û Dostaniya Nav Gelan (MRAP), Tevgera Aştiyê ya Paca, Partiya Antîkapîtalîst a Nû (NPA), Partiya Komunîst (PCF), Partiya Çepgir, Solîdarîte Lîberte Provence (Piştevanî û Azadî) û Sendîkaya CGT’ê gelek partî û rêxistinên civaka sivîl tev li çalakiyê bûn. Ev hemû organîzasyona di nav Platforma Piştevaniya Kurdistanê de cih digirin.
Her wiha Rêveberê Weşanê yê rojnameya xwecih La Marseîllaîse Leo Purguette jî tev li çalakiyê bû.
Putguette beriya xwpêşandanê axivî û got ku têkoşîna kurd pir bandor li ser kiriye û ew ê piştevanê kurdan in. Putguette got ku dê di rûpelên pêşî yê rojnameyê de cih bidin kampanyaya ji bo ku PKK ji nav ‘lîsteya terorê’ were derxistin. MARSÎLYA
