Navenda Ragihandin û Çapemeniyê ya HPG’ê li ser çalakiyên gerîla û êrîşên dagirkeriyê daxuyanî da û ev agahî parve kir:
“Di çarçoveya Pêngava Şoreşgerî ya Bazên Zagrosê de;
16’ê mijdarê li qada Ermûşê ya Xakurkê hêzên me demekê dagirker şopandin û piştre bi rêbaza sabotajê lê dan. Di encama vê çalakiyê de herî kêm 2 dagirker hatin cezakirin.
Artêşa tirk a dagirker piştî çalakiyê li qadên Şehîd Bêrîtan, Şehîd Ehmed û Girê Qehreman dest bi operasyoneke berfireh kir. Artêşa tirk a dagirker bombardûmaneke giran li herêmê dike. Di navbera artêşa dagirker û hêzên me de şer dewam dike. Agahiyên berfireh dema ku bi dest ketin wê bi raya giştî re bêne parvekirin.
21’ê mijdarê saet di 15:00 de li herêma Metînayê li qada Koordîneyê, sîstemeke kamera ya mobesse ku ji aliyê artêşa tirk a dagirker ve hat bicihkirin ji aliyê hêzên me ve hat tespîtkirin û îmhakirin.
20’ê mijdarê saet di 18:15’an, gundê Gûzê yê Garê û 22’ê mijdarê jî danê nîvro derdora gundê Kanî Sarkê bi balafirên şer hat bombekirin.
22’ê mijdarê saet di navbera 22:00-23:30’î de li qada Mervanosê ya Avaşînê helîkopter geriyan.
22 û 23’ê mijdarê artêşa tirk a dagirker bi qereqolên li ser sînor obus avêt qadên Çemço û Rênçbiraxa yên li herêma Zapê.” BEHDÎNAN
