Komeleya Paştdayîş û Kulturî ya Dêrsimî ya Îzmîrî, Platformê Dormeyî yê Ege (EGE-ÇEP) û Platformê Dormeyî yê Meletî vera projeyê ocaxanê madenî yê Dêrsimî Îskeleyê Karşiyaka yê Îzmîrî de eşkerayîyêke daye.
Eşkerayîye de pankarta bi nuşteyê ‘Royê ma, xozaya ma vera çinbîyayîşî xo ver danê. Eke ti wayîrê ci nêvejîyê do çin bibê’ ameye akerdene
Eşkerayîye de ame vîrvistene ke xebata madenî ya dewa Otlubahçeyî ya qezaya Pulurî ya Dêrsimî netîceya têkoşînê şarî de ameye vindarnayene.
Eşkerayîye de wina ame vatene: “La ganî têkoşîn bêmabên û bi qerardarî dewam bikero. Ganî merdimê ma tewrê nê xebatanê madenî mebê. Dêrsim rijîyayîşê ekolojîkî de têrî yo. Eke nê madenî bixebitê xozaya Dêrsimî ra apey do çîyêk nêmano. Wa pêro ruhsatê madenan bêrê betalkerdene. Wa dişmenê xoza û merdiman Dêrsimî ra def bibê. Wa peynîya vêşnayîş û birnayîşê daran bêra ardene.” ÎZMÎR
