Navenda Nûçeyan |
Ji enternasyonalîstên ku 9’ê mijdarê ji Atînayê bi rê ket û 12’ê mijdarê gihîşt Napolî Sylvie Jan diyar kir ku armanca wan ji vê çalakiyê daxwaza azadiya Rêberê Gelê Kurd Abdullah Ocalan û girtiyên siyasî hemûyan bû û wiha got: “Ji bo min çima girîng e? Pêwîstiya gelê kurd, gelên Rojhilata Navîn, cîhanê û pêwîstiya me hemûyan bi aştiyê heye. Bûye pêwîstiyeke lezgîn a global. Kurd di lêgerîna aştiyê de li Rojhilata Navîn çareseriyê, bersivê temsîl dikin.”
Jan tespîteke bal kêş kir û wiha got: “Tim gotina ‘pirsgirêka kurd’ tê bikaranîn lê belê ne pirsgirêka kurd e, çareseriya kurd heye. Kurd pirsgirêk nîne, kurd bersiv e.”
Jan anî ziman ku wê gelek caran serdana Tirkiye, bakur-rojava-başûrê Kurdistanê kiriye, her kesên ku lê rast hatine daxwaza ‘aştiyê’ kirine û wiha domand: “Aştî ji bo me çareseriya mayinde ye; divê daxwaza kurdan a ji bo berdana nûnerê xwe bê bicihanîn. Divê Abdullah Ocalan bê berdan û pêvajoya danûstandinan bê destpêkirin.”
Gelê kurd cîhana nû temsil dike
Jan diyar kir ku çavkaniyeke taybet a hêviyê ye ku gelê kurd pêşengiyê ji projeyeke demokratîk, ekolojîk û femînîst re dike û ev tişt anî ziman: “Bi dîtina min gelê kurd ji bo cîhana me ya nû temsîliyeta paşerojê dike. Ji ber vê yekê divê piştevaniya bi gelê kurd re bê xurtkirin. Ji bo vê jî divê Abdullah Ocalan bê azadkirin. Ev kilîd divê bê şikandin. Ev yek jî di destê welatiyên cîhanê de ye. Ez jî di nav de, lewma li vir im. Bi azadiya Ocalan re divê ev kilîd bê parçekirin û PKK ji lîsteya ‘rêxistinên terorîst’ bê derxistin. Ji bo vê divê hewl bê dayîn.”
Her wiha Jan destnîşan kir k udi vê serdemê de muxalîf weke terorîst tên pênasekirin, dewlet naxawaze wan nas bike û got ku lê bele ev dîrok dê biguhere û axaftina xwe wiha bi dawî kir: “Roleke me hemûyan heye. Di deryayê de em mîna dilopekê ne. Divê em vê rola xwe bi cih bînin. Ji bo paşeroja cîhanê, ji bo aştiyê divê em rola xwe pêk bînin. Ev yek paşeroja me hemûyan e.”
