Êrîşên dewleta tirk a dagirker li dijî herêmên Zap, Metîna û Avaşînê yên başûrê Kurdistanê di 23’yê nîsanê de dabû dest pê kirin, bi bikaranîna çekên kîmyewî didome. Di encama êrîşên dewleta tirk ên bi çekên kîmyewî de 33 gerîlayan şehîd bûn û gelê li herêmê dijî jî zirar dît. Bikaranîna çekên kîmyewî ya dewleta tirk endamê berê yê Komîsyona Ewlehî û Parastinê ya Parlamentoya Iraqê Bedir El-Ziyadî û endamê Koalîsyona El-Fetih Saad El-Sadî anîn rojevê.
El Ziyadî bang li başûrê Kurdistanê kir ku rewşa li herêmê bişopîne û binpêkirinên Tirkiyeyê bişopîne. Ez Ziyadî da zanîn ku Tirkiye hewl dide herêmê ‘dagir’ bike û wiha got: “Ji ber helwesta qels a hikûmetê Tirkiye hewl dide hin bajarên bakurê Iraqê dagir bike.”
Endamê Koalîsyona El Fetîh Saas El-Saadî jî ev tişt anî ziman: “Divê Hikûmeta Iraqê mudaxileyî êrîşên ser bakurê Irakê bike û operasyonên eskerî yên Tirkiyeyê bisekinîne. Her wiha qelsiyên hikûmetê jî bûne sedem ku Tirkiye çekên qedexekirî bi kar bîne.” BEXDA
