Li gorî nûçeya Ajansa Mezopotamyayê siyasetmedar Ayla Akat jî di nav de ji ber stran û govenda bi kurdî ceza li 51 girtiyên jin ên di Girtîgeha Jinan a Sîncanê de hat birîn. Derbarê 51 jinan de bi hinceta ku di 15’ê Tebaxê de govend gerandine û bi kurdî strane, lêpirsîna dîsîplînê hatibû destpêkirin.
Ji ber lêpirsînê berdana Hanim Yildirim, Jiyan Ateş û Rojdan Erez jî hat astengkirin.
Di rûniştinê de ya li hakîmtiya înfazê Dîlber Tanrikûlû wiha got: “Em kurd in. Em werin kuştin û ceza li me were birîn jî zimanê me yê zikmakî kurdî ye.”
Ayla Akat Ata jî diyar kir wê rojê sloganên ‘Bijî Serok’û ‘Bê Serok jiyan nabe’ berz kiriye û ev tişt anî ziman: “Min berê jî ev slogan berz dikir. Ez bawer dikim ku wê pêvajoyeke çareseriyê pêk were û ew ê tevkariya Abdullah Ocalan li vê pêvajoyê bibe.”
Heke lêpirsîna derbarê 51 jinan de hatiye destpêkirin li Dadgeriya Înfazê neyê xerakirin, dê jin dozê bibin dadgehek bilindir Dadgeha Cezayê Giran û serlêdanê bikin.
Navê girtiyan
Navê girtiyên ku cezayê dîsîplînê li wan hatiye birîn û lêpirsîna wan hatiye kirin wiha ye: “Alev Yarar, Ayşe Topçu, Fatma Aslan, Leyla Uyanik, Mahîde Şahîn, Mehtap Kiyar, Nevroz Muçel, Nîlufer Şahîn, Sariye Taîkesen, Sîmanur Pamuk, Zerrîn Yilmaz, Zeynep Sipcik, Arjîn Yuksekbag, Ayla Akat Ata, Dîlan Aslan, Ayşe Yagci, Berîn Sari, Bermal Bîrtek, Bîrcan Yorulmaz, Demet Resuloglu, Dîlan Oynaş, Dîlber Tanrikulu, Dîlek Hatîpoglu, Dîlek Yagli, Elîf Çetînbaş, Gulşan Adet, Hanim Yildirim, Hîcran Bînîcî, Jiyan Ateş, Melîke Kaya, Melîke Goksu, Meryem Adibellî, Mukaddes Kubîlay, Mukaddes Kabak, Necla Yildiz, Nedîme Yaklav, Nuriye Adet, Pervîn Oduncu, Pinar Tîkît, Rihan Kavak Ozbek, Rojdan Erez, Rozerîn Kurt, Saadet Akin, Sabîte Ekîncî, Sedef Demîr, Selver Îspîr, Şermîn Demîrdag, Ozlem Demîr, Suheyla Taş, Zeynep Bîngol, Servîn Karakoç.” ENQERE
