Duh bi şev çeteyên DAIŞ’ê êrîşî gundê Lihêban a girêdayî navçeya Sergeran a Kerkûkê kir. Piştî çeteyan êrîş kir, şêniyên gund bersiva çeteyan dan û pevçûn rûda. Pevçûn heya derengiya şevê dewam kir. Li gorî agahiyan xelkê gund daxwaz ji artêşa Iraq û hêza pêşmerge kiribû li hewara wan herin, lê tu hêz bi hewara wan ve neçûn.
Piştî ku tu hêz bi hewara şêniyên gund neçûn, welatiyan îro di saetên êvarî de ji neçarî gundê xwe berdan.
Di saetên şevê de jî li gorî hin dîmenên li ser medyaya dijîtal hatine belavkirin, diyar dibe çeteyên DAIŞ’ê ketine nava gundê Lihêban û xaniyên welatiyan dişewitînin.
Heta niha gelek caran çeteyên DAIŞ’ê êrîşê gundê Lihêban kirine. KERKÛK
