Di 11’ê kanûnê de li Bexdayê konferansa bi sernavê ‘Ber bi diyaloga Kurd-Ereb a serketî’ pêk hat.
Akademiya Fikir û Siyaseta Demokratîk pêşengî ji konferansê re kir, Komeleya Azadî piştgirî da û kurdên Feylî, endamên Komeleya Standar, Rêxistina Mirovî ya Ciwanên Şengalê û Komeleya Dostaniyê ya navenda wê li Ewropayê tev li bûn.
Konferansa ku roja şemiyê pêk hat bi encamnameya ji 11 xalan bi dawî bû.
Encamnameya konferansê
1- Dê kongre ji bo pejirandin û nasandina hemû nasname, îdeolojî, netewe, çand û rêgezan li Iraqê bi taybetî, li Rojhilata Navîn û Bakurê Afrîkayê bi giştî bixebite.
2- Kongre teqez dike rêya çareseriyê ya hemû pirsgirêk û nakokiyên li Iraq û Rojhilata Navîn divê ne bi şer, bi rêya diyalogê werin çareserkirin. Ji bo vê yekê jî pêwîstî bi projeya netewa demokratîk û dewleta hemwelatîbûnê heye.
3- Kongre ji bo parastin û pêşxistina nirxên hevbeş ên çandî û demokratîk ên civakî û siyasî yên gelên navçeyê bixebite.
4- Kongre teqezî li ser diyaloga çandî ku bi dirêjahiya dîrokê di navbera gel û baweriyên sereke yên li Iraqê de hene, dike.
5- Kongre hevdengiyê li gel hemû mijarên jinan yeksaniya li gel mêran a di warên cuda cuda de dike. Her wiha hemû cûrên tundiyê yên li beramberî jinan tê kirin red dike. Girîng dibîne ku jin di hemû waran de çalak bin.
6- Kongre siyaseta dewleta tirk a bi hişmendiya Osmaniya Nû ku dixwaze li herêmê pêk bîne û ol wek amrazek ji bo berjewendiyên xwe bikar tîne, red dike.
7- Dabeşkirina welatên herêmî û avakirina dewleta Iraqê bi sînorên naskirî ve, li ser xwesteka aliyên di şerê cîhanê yê yekem de serkeftin, pêk hat. Ev yek rola gelên herêmê sînordar kiriye.
8- Desthilata takekesî, dîkdatorî, tak hizbî û siyaseta navendîbûnê di avakirina dewleta hemwelatîbûnê de li ser bingehê nasnameya neteweyî ya iraqî binketiye.
9- Demokrasî, federalîzim, îdareya ne navendî û xwerêveberiya pêkhateyan li welat dê bibe bingeha pêşketin û azadiyan.
10- Ji bo dewletek serdemane pêwîstî bi yeksaniya nava gelê ereb, kurd û pêkhateyên din ve heye. Bêy ku tu pêkhateyek were paşguhkirin.
11- Pêwîstî bi diyalog û zelalbûnê heye. Her pirsgirêk hebe divê bi rêyên yasayî û destûrî werin çareserkirin. BEXDA
