Tepişteyê nêweşî ra Salîh Togrulo (65) ke 2014 de înfazê ci amebi vindarnayene û teber de ameyêne dermankerdene Nêweşxaneyê Mersînî de dinyaya xo bedilnaye.
Dîya zanayene ke Togrul 6 rojî verî wedarîya nêweşxane. Cenazaya ci Sêrt de do bêra definkerdene. Federasyonê Komeleya Paşdtayîş û Huqûqî ya Keyeyanê Tepişteyan û Hukmwerdeyan ê MEDî ( MED TUHAD-FED) derheqê mergê Togrulî de hesabê xo yê twitterî de no mesaj pare kerd: “Togrul 16 serran zîndan de mendbi, 2014 de nêweşîyanê xo yê giranan ra vera dîyabi. Verî ke erey bi ganî o biameyêne veradayene. Qet yew manaya înfazê ereyî çin a! Wa sereyê keyeyê Togrulî weş bo.” MERSÎN
