Artêşa tirk a dagirker bi destê cerdevan û kontrayên xwe dest bi jêkirina darên gundê Kêrya Dêrê ya ser bi herêma Rêkaniyanê kirine.
Li gorî çavkaniyên herêmê gundê Kêrya Dêrê di nava xelkê herêmê de weke Serê Darê jî tê nasîn. Çakvaniyan ragihandin ku di van rojên dawiyê de komek ji kontra û çeteyên dewleta tirk pêk tên hatine herêmê û dest bi jêkirina daristanên gund kirine.
Xelkê herêmê yên ji ber sedemên ewlekariyê nexwestin navê xwe bidin, bang li saziyên jîngehparêz yên başûrê Kurdistanê û saziyên sivîl ên bi mijarê re eleqeder dibin dikin, destwerdan li rewşê bikin û rê nedin, dewleta tirk daristan û jîngeha herêmê wêran bike.
Gundê Kêrya Dêrê dikeve ser bajaroka Şêladizê ya ser bi parêzgeha Dihokê. DIHOK
